Sam Smith është një nga këngëtarët më të njohur britanik, që si fillim u konsolidua në tregun muzikor me këngën ‘La La La’. Më pas ai i ngjiti shkallët e tij të karrierës me hapa të shpejtë, deri sa në ditën e sotme ka dy albume dhe këngë që këndohen nga të gjithë në mbarë botën.
Për pak ditë Smith pret të festojë ditëlindjen e tij të 26-të dhe ai ka vendosur që këtë ditëlindje ta dedikojë për fëmijët e luftës. Në ‘Instagram’-in e tij ai ka njoftuar se ka hapur një donacion ku të gjithë ata që kanë mundësi mund të kontribuojnë për të ndihmuar sadopak. “Jam gati 26 vjeç…këtë vit kam vendosur ta dedikoj ditëlindjen time për një nga shoqatat më të mira të bamirësisë, për t’i mbështetur për punën e veçantë që ata bëjnë me fëmijët në mbarë botën. Ju lutem festoni ditëlindjen time me mua duke kontribuar çfarë keni mundësi”, – ka shkruar këngëtari. Më pas ditën e sotme ai ka publikuar një fotografi pranë fëmijëve të prekur jo vetëm nga ana fizike por edhe nga ajo mendore dhe shpirtërore për shkak të luftës. /revistawho.com
