Teksa i afrohemi fundit të sezonit të katërt, shtëpia e Big Brother VIP Albania vijon të prodhojë momente dramatike dhe tensione mes banorëve, duke mbajtur publikun në ethe. Së fundmi, dy episode të bujshme kanë ndezur rrjetin dhe janë bërë kryefjalë e diskutimeve mes ndjekësve të reality show-t.
Një shkëmbim i pazakontë ka ndodhur mes Gjestit dhe Eglit, duke shkaktuar reagime të forta nga publiku. Në videon e bërë virale, gjatë një bisede të zakonshme pranë kabinës së dushit, Gjesti ka bërë një veprim që i ka tronditur shumë shikues: ai e pështyu Eglin në fytyrë.
Pamjet u bënë virale në rrjet, duke nxitur debate mbi etikën dhe kufijtë e sjelljes brenda së shtëpisë së vëzhguar nga kamerat. Ndjekësit e Gjestit e mbrojnë veprimin e tij duke e quajtur njé shaka që ata e kanë bërë më parë ku Gjesti ka mbushur gojën me ujë dhe e ka lagur Eglin, nuk e ka pështyrë.
