Këngëtari i njohur nga Peja, Gjesti, ka thyer më në fund heshtjen pas një prej periudhave më të errëta të jetës së tij. Pas humbjes tragjike të vëllait, Eldionit, në shtator të këtij viti si pasojë e një aksidenti me motoçikletë, artisti ishte tërhequr plotësisht nga vëmendja publike.
Për muaj me radhë, Gjesti zgjodhi të qëndrojë larg rrjeteve sociale dhe angazhimeve muzikore, duke u fokusuar tek familja dhe përballimi i dhimbjes. Ky distancim u pa si një mënyrë për të gjetur qetësi në një moment që ndryshoi gjithçka për të.
Së fundmi, përmes një postimi të publikuar në rrjetet sociale, këngëtari ka reaguar për herë të parë, duke falënderuar publikisht të gjithë ata që i kanë qëndruar pranë gjatë kësaj periudhe të vështirë. Në të njëjtin mesazh, ai ka dhënë edhe një lajm të shumëpritur për fansat: rikthimin e tij në muzikë.
Gjesti ka konfirmuar se në janar të vitit 2026 do të rikthehet sërish në skenë, duke lënë pas një kapitull të dhimbshëm dhe duke nisur një të ri në karrierën e tij artistike.
Reagimi i plotë i Gjestit:
“Përshëndetje krejtve shpresoj që jeni mirë, u bë një kohë që nuk jemi parë për këtë po dua t’iu falënderoj secilin prej juve që më keni ndenjur afër mua dhe familjes time në këtë periudhë shumë të vështirë.
Për mua ka qenë e rëndësishme që në këtë kohë me ndejt larg rrjeteve sociale me u marr më shumë me veten dhe familjen time.
Sidoqoqftë, iu kam pasur në mendje dhe zemër siç më keni pasur mua.
Po e shfrytëzoj rastin me këtë video me ia uru Vitin e Ri të gjithëve, ishalla e keni shëndetin, lumturinë edhe familjen se të tjerat bëhen.
Si përfundim desha të iu tregoj se në vitin 2026 në janar kthehem në muzikë aty ku e kam vendin.”
Rikthimi i Gjestit pritet me shumë interes, ndërsa fansat shpresojnë që muzika e tij të pasqyrojë forcën dhe reflektimin e kësaj periudhe të vështirë që ai ka kaluar.
