Pas disa muajsh ku mungesa e tij në muzikë u bë e dukshme për fansat, Gjesti ka vendosur të thyejë heshtjen dhe të flasë publikisht për arsyen që e ka mbajtur larg projekteve të reja.
Në një mesazh të gjatë dhe emocional, ai shpjegon se po kalon një situatë personale që e ka detyruar të bëjë një pauzë nga muzika:
“Edi jom zhduk këto ditë për arsye personale. Nuk jam aktiv as me projekte as sen, po shumë shpejt besoj që kryhet ky problem edhe kom me kon pranë juve, si gjith me dek sistemin. Ju uroj krejt të mirat, faleminderit për çdo sen që e boni për mu.”
Ai shton se arsyeja lidhet me një padrejtësi që nuk dëshiron ta bëjë publike, por ndjen se ndjekësit meritojnë një shpjegim të shkurtër:
“Jon do sene që unë s’po du mi nda në media se nuk ja vlen… Po për juve ni sqarim t’vogël: deri sa të përfundojë ni padrejtësi që mu ka bo, nuk muj me kon aktiv.”
Me këtë rrëfim, Gjesti jo vetëm që shpjegon mungesën e tij, por i lë publikut të kuptojë se pas skenës fshihet një histori e vështirë që ende nuk ka marrë fund.
