Mjaftoi një video që reperi Gjiko postoi kur ishte me pushime në Maldive dhe ai u bë një nga njerëzit më të urryer të vendasve. Pasi ai peshkoi një peshkaqen, gjë që është e ndaluar reperi u bë pjesë e ‘listës së zezë’ në Maldive. Lajmi u përhap ngado pasi zhytësi Shaff Naeem, postoi videon e reperit dhe tregoi veprimin e tij të pahijshëm. Por vetëm pas pak ditësh Gjiko më në fund bën veprimin e duhur. Nëpërmjet një videoje të dërguar për pronarin e hotelit ai ka kërkuar falje për veprimin e pahijshëm. “Dua të kërkoj falje nga zemra për veprimet e mia. Por duhet të dini atë që është më e rëndësishmja se unë e ktheva përsëri në ujë peshkaqenin. Isha në një ishull privat dhe nuk e dija për rëndësinë e peshkaqenëve dhe se janë të mbrojtur me ligj. Të gjithë menduan se jam një person i keq, se jam i pasjellshëm dhe se s’kam ndjeshmëri ndaj kafshëve, por kjo nuk është e vërtetë. Shpresoj se shumë shpejt do të jem përsëri në Maldives dhe do të punoj për rritjen e vetëdijes dhe rëndësinë e peshkaqenëve”. Ndërsa zhytësi Shaff Naeem, tregoi se reperi e ka marrë në telefon për t’i kërkuar falje dhe se kur Gjiko të jetë në Maldive do jetë vetë ai i cili do i mësojë rëndësinë e peshkaqenëve. /revistawho.com
