Edhe pse pothuajse çdo natë është në koncerte, Gjiko ia del të gjejë kohë edhe për familjen e tij. Ditën e sotme, ai ka publikuar një video ku shfaqet së bashku me Zërin, duke bërë një ‘bisedë’ serioze. Siç mund ta mendoni, vogëlushi nuk bënte asgjë tjetër përveç se bërtiste, por sipas Gjikos ai dhe djali i tij po kuptohen shumë mirë. “Ne po kuptohemi shumë mirë domethënë”, ka shkruar reperi sipër videos. Muajt kalojnë dhe Zëri sa vjen e rritet, ndërsa marrëdhënia e tij me babain forcohet akoma dhe më shumë. Pak kohë më parë, Elita zbuloi gjatë një interviste se Gjiko ka qenë një mbështetje e madhe për të kur sapo lindi djali, pasi reperi e ndihmonte edhe në gjërat më të vogla. Këtë gjë e vërteton më së miri dhe kjo video e tij me djalin. Kujtojmë se pavarësisht përkushtimit të madh ndaj familjes, Gjiko nuk e ka lënë pas muzikën. Ai publikoi këngën e tij më të re me titull ‘Coco Jumbo’, një këngë që është kthyer menjëherë në hit veror./revistawho.com
https://youtu.be/0jy8pWWfNsU
