Në një kohë me plot hyrje dhe dalje të reja, me lëvizje nga më të ndryshmet, me temperamente tepër interesante që kemi parë në botën e televizionit, në një kohë që evulon dhe që cfarë nuk na sjell, të paktë ishin ata prezantues të cilët qëndruan besnikë të vetëm një formati. Por cilët janë ata? Le ti hedhim një sy.
Alban Dudushi
Albani është një nga emrat e parë që na vjen ndërmend i cili i qëndroi përherë besnik emisionit ‘Top Show’, me plot të ftuar, me bashkëprezantues të ndryshëm, me skenografi ndryshe, por përherë nën drejtimin e moderatorit të njohur.
Arjan Çani
Ai është një nga ata prezantues i cili u shfaq ndryshe që prej fillimit, por asnjëherë nuk ndryshoi emisioni i cili ai prezantoi. Ndonëse me kalime në disa periudha në kanale të ndryshme, Çanin gjithnjë e pamë vetëm nën moderimin e ‘Zonë e Lirë’.
Blendi Fevziu
Blendi është një nga gazetarët më të mirë, i cili drejton emisionin e suksesshëm ‘Opinion’, me plot të ftuar, me tematika nga më të ndryshmet dhe me ngjarjet më aktuale. Nëse përmendim ‘Opinion’ gjithmonë e identifikojmë me Fevziun dhe anasjelltas.
Aldon Lipe
‘Aldo Morning Show’ është një emision me telefonata nga i gjithë vendi, me korrespodentë në qytete të ndryshme dhe që pati gjithmonë vetëm një drejtues që prej fillimit. Aldon Lipe zgjon shqiptarët çdo mëngjes me karizmën dhe humorin e tij.
Marin Mema
Ai është gjithashtu një nga gazetarët me më shumë ndikim në vendin tonë. Mema ka dejtuar gjithmonë emisionin ‘Shqipëria tjetër’, duke mos lëvizur asnjëherë në një format tjetër, edhe pse shumë televizione do ishin të gatshëm ta kishin pjesë te tyren.
Flamur Topi
Topi drejton prej mbi 50 vitesh të njëjtin emision, duke u bërë moderatori me emisionin më jetëgjatë në Shqipëri. Ai është mjek, shkrimtar dhe gazetar, Emisioni i tij quhet ‘Trupi dhe shëndeti’.
