I mbani mend vitet 2000, kur moda e vetullave ishte ‘sa më të holla të jetë e mundshme’? Ky trend është ndjekur nga shumica e vajzave në atë kohë, sigurisht edhe nga VIP-at tanë. Një ndër to është dhe Fiori Dardha, e cila së fundmi ka publikuar një fotografi të viteve 2004-2005 ku duket shumë ndryshe nga sot. Përveç flokëve të gjata, të fryra dhe brune, ato çfarë tërheqin vëmendje janë vetullat shumë të holla. “Mos u ktheftë më kurrë moda e këtyre vetullave”, ka shkruar moderatorja me humor, duke shkaktuar shumë reagime në komente, të cilët jo vetëm e kanë përkrahur këtë modë, por edhe kanë komplimentuar pamjen e Fiorit. Kanë kaluar 15 vite që nga kjo foto e moderatores, por ajo vazhdon të duket në formën e saj më të mirë, gjithmonë duke ruajtur origjinalitetin dhe thjeshtësinë që e karakterizon./revistawho.com
https://www.instagram.com/p/Bz3nyc9nc4K/?igshid=c59q7t0x5evb
