Besi Kallaku dhe Xhensila Myrtezaj, një nga çiftet më të dashura të showbiz-it shqiptar, janë zyrtarisht të ndarë. Gjykata e Tiranës ka zbardhur vendimin për divorcin e tyre, duke caktuar detyrimet dhe të drejtat e secilit për kujdesin ndaj fëmijëve të tyre, Ajka dhe Amen Kallaku.
Gjykata ka vendosur që Besi të paguajë 1,500 euro në muaj për fëmijët, ndërsa Xhensila do të kujdeset për rritjen dhe edukimin e tyre. Aktori ka të drejtë t’i takojë fëmijët disa fundjava në muaj, 15 ditë në gusht dhe gjatë pushimeve dimërore.
Në një intervistë, Xhensila tha se ndarja erdhi nga mungesa e komunikimit, duke theksuar se vendimi ishte për të mirën e familjes.
