Për gjyqin mes Johhny Deep dhe ish-bashkëshortes së tij Amber Heard po bëhet një film. Është rrjeti i njohur i filmave online me pagesë Tubi i gjigandit mediatik amerikan Foks, që do ta publikojë më 30 shtator filmin e ri që është në fazat e fundit të produksionit në SHBA, por që nuk ka një datë për transmetim në Evropë.
Filmi titullohet “Hot Take: The Depp/Heard Trial” dhe do të sjellë detaje reale jo vetëm nga procesi gjyqësor, por edhe nga jeta e çiftit. Mark Hapka dhe Megan Dejvis, janë ata që do të luajnë rolet e dy protagonistëve të ngjarjes së shndërruar në skenar filmi nga Gai Nikoluçi.
Filmi është realizuar pavarësisht se saga e procesit gjyqësor mes Depp dhe Heard nuk ka përfunduar dhe po vijon në apel. Më 1 qershor, gjykata e Virxhinias vendosi në favor të aktorit duke e e gjobitur me 10 milionë dollarë dëmshpërblim 36-vjeçaren, për prishje imazhi, ndërsa ranë poshtë pretendimet e Heard se kishte rënë pre e dhunës në familje nga aktori.
