Gjysma e dytë e tetorit me ndryshime, vjeshta e vërtetë po fillon

Moti i ngrohtë dhe temperaturat jashtë normales, na kanë shoqëruar në dy javët e para të muajit tetor. Temperaturat kanë qenë relativisht të larta dhe shiu ka qenë i pranishëm në pak ditë. Megjithatë në parashikimin sipas ‘Meteoalb’, thuhet se gjysma e dytë e muajit do të ketë ndryshime drastike. Duke nisur nga kjo javë, moti do të vijojë me kthjellime, netët dhe mëngjeset do të jenë të freskëta, por gjatë ditës do të jetë ngrohtë. I tillë moti do të vazhdojë deri në fund të javës. Ndërsa e diela dhe e hëna që vijnë sjellin shira të përkohshëm në pjesën më të madhe të vendit. Më pas moti do të vazhdojë me kthjellime dhe vranësira si edhe shira të izoluara, më të mundshëm në ditët e fundit të muajit./revistawho.com