Drama mes Dolcës dhe Edit sapo ka marrë kthesën më të fortë. Një natë pasi Vëllai i Madh i tregoi Edit se Dolce nuk ishte larguar për arsye familjare, por ndodhej në Itali për një “mision” në Grande Fratello, duke e qetësuar atë, jashtë shtëpisë situata ka shpërthyer ndryshe.
Ndërsa Edi endet i qetë duke menduar se partnerja e tij televizive po kryen një detyrë speciale, ai nuk ka asnjë ide për deklaratat që Dolce ka dhënë sapo hyri në shtëpinë italiane. Ajo është distancuar plotësisht dhe ka mohuar çdo lloj pëlqimi apo afrimiteti me Edin, diçka që ekipi i tij jashtë nuk e ka kaluar heshturazi.
Menaxhuesit e llogarisë së Edit kanë gjuajtur “shigjeta” në Instagram, duke lënë të kuptohet se ajo që Dolce tha në Itali është pritur si një tradhti e pastër.
Kjo u pa qartë edhe në një Q&A që ata zhvilluan sot në profilin cobrakuci. Pyetja që ndezi gjithçka ishte për rikthimin e Dolcës të premten. Përgjigja? E ftohtë, e thatë, dhe plot kuptim: “KUSH ËSHTË AJO?”.
Sipas ndjekësve, ky ishte mesazhi i parë që tregoi hapur se mohimi i Dolcës në Itali ka djegur çdo lloj “marrëdhënieje” në sytë e stafit të Edit. Sepse, siç duket, nëse ajo mohon publikisht, për ta ajo… zhduket.
