Këngëtari Lefteris Pantazis është bërë shumë i njohur në Shqipëri me këngën “Ma tha dhe papagalli”, një bashkëpunim me Devis Xherahun. Por së fundmi këngëtari grek ka rënë pre e grabitjes dhe në këtë gjë mendohet se janë të përfshirë dy shqiptarë.
Sipas mediave greke grabitja ka ndodhur në mëngjesin e të dielës së kaluar. Në një prononcim këngëtari ka thënë se për grabitësit ka qenë e lehtë, sepse alarmi nuk kishte funksionuar dhe në shtëpi ndodheshin vetëm dy vajzat e tij. Grabitësit kishin marrë rreth 1000 euro, disa ora dhe bizhuteri me vlerë. Edhe pse nuk ka ende një konfirmim zyrtar nga ana e policisë, sipas dëshmive thuhet se grabitësit me siguri ishin të huaj dhe mendohet se ata kanë qenë dy shqiptarë. /revistawho.com
