Aurela Gaçe ka treguar shpeshherë se për veshjet e saj dhe grimin në shumicën e rasteve kujdeset vetë. Ajo i përshtat të gjitha veshjet, deri në detajin më të vogël, me stilin e saj dhe gjithmonë ja ka dalë mbanë të duket bukur. Madje Aurela ka zbuluar se gjen gjithmonë një mënyrë për të rregulluar veshjet që janë grisur apo që kanë një problem të vogël dhe këtë truk duket se ja ka mësuar edhe vajzës së saj të madhe. Këngëtarja ka publikuar në ‘Instagram’ një foto në të cilën ka treguar se si Grace ka rregulluar një palë tuta që i ka pasur me njollë. Në pjesën ku tutat janë bërë pis vogëlushja ka vizatuar një bretkosë dhe një ylber për të mbuluar njollat. Aurelës duket se i ka pëlqyer shumë ky veprim i vajzës së saj, ndaj e ka ndarë me ndjekësit në rrjete sociale. “Fiks si unë. A ka njollë? A është grisur? S’ka problem. E zbukurojmë të mos duket”, ka shkruar Aurela bashkangjitur fotos.
Artistja e njohur ka treguar se ajo nuk është e fokusuar te markat e shtrenjta të veshjeve, prandaj kujdeset që të krijojë diçka të veçantë me disa detaje për të cilat kujdeset vetë dhe këtë gjë dëshiron ta trashëgojë edhe tek vajzat e saj. /revistawho.com
