Greta Koçi është një nga figurat më të dashura të publikut shqiptar dhe kjo për shkak të karrierës së saj të gjatë në skenë. Ajo ka sjellë herë pas here projekte të ndryshme muzikore, të cilat janë pritur mirë nga publiku dhe numërojnë disa miliona klikime në kanalin e ‘Youtube’.
27-vjeçarja publikon foto apo momente të ndryshme në llogariinë e saj nga përditshmëria dhe klipet që ka sjellë deri më tani, ndërsa së fundmi nuk ka hezituar t’i përgjigjet disa prej pyetjeve të bëra nga fansat e saj.
“Cili VIP shqiptar ose këngëtar të pëlqen?”, ka qenë pyetja të cilës Greta ka vendosur t’i përgjigjet publikisht. “Aurela Gaçe dhe pikë”, ka shkruar ajo bashkangjitur disa figurave të cilat shprehnin kënaqësi.
Mesa duket Koçi gëzon një vlerësim të madh për kolegen e saj, të cilin nuk ngurron ta shprehë edhe në rrjetet sociale.
Në llogarinë e Gretës kanë mbërritur edhe pyetje të tjera lidhur me karrierën e saj artistike, të cilave këngëtarja i është përgjigjur pa asnjë kompleks./revistawho.com
