[metaslider id=290]
Sa herë e keni pyetur veten për moshën e Gretës? Ajo nuk është më 16 vjeçe. “WHO” sjell fotot nga ditëlindja e këngëtares
Greta Koçi, këngëtarja e dashur e muzikës shqiptare, ka festuar këtë 26 shtator ditëlindjen e saj të 23-të. Në një festë të veçantë, emrat më në zë të artit ishin mbledhur për të respektuar dhe uruar nga afër kolegen e tyre. Ndonëse e përfshirë prej kohësh në instancat drejtuese të Partisë Demokratike si nënkryetare e Forumit Rinor të kësaj partie, Greta Koçi zgjodhi që kjo festë të mos i takonte politikës. Ndër artistët e ftuar mund të përmendim: Manjola Nallbanin, Irma dhe Eranda Libohovën, Olta Bokën, Soni Malajn, Samanta Karavellën, Gazmend Pajën, Ermal Mamaqin, Julian Dedën, Çiljeta Xhilagën, Ingrit Gjonin, Ronela Hajatin, Stinen, Bujar Qamilin, Ylli Bakën, Silva Gunbardhin, Maya-n, Rozana Radin, Renis Gjokën, Vedat Ademin etj. Ambienti i zgjedhur për organizimin e eventit u kthye sa hap e mbyll sytë në një karaoke, ku këngëtarët e ftuar bënë atë që dinë të bëjnë më mirë: kënduan, enkas për Gretën… Ndër dhuratat e shumta mbizotëronin lulet, të cilat ia shtuan ngjyrat atmosferës festive. Urimeve të shumta të kolegëve dhe miqve të Gretës, do t’i bashkohet sot edhe urimi i “WHO”, për një jetë të gjatë e të lumtur, me arritje të mëdha në çdo fushë!
Discussion about this post