Greta Koçi prej gati 1 viti është në kërkim të talenteve të reja në muzikë për të zhvilluar më tej pasionin e fëmijëve dhe adoleshentëve për muzikën. Në labelin e saj “United Records” kanë pasur fatin që shumë fëmijë të marrin mësime muzike nga Greta dhe ajo nuk ka ngurruar që disa prej tyre t’i promovojë në rrjetet e saj sociale. Së fundmi këngëtarja na ka prezantuar me një vajzë 17-vjeçare tepër të talentuar, Shira, e cila shumë shpejt mund të renditet si një ndër artistet më të mira të muzikës shqiptare. Greta ka publikuar në ‘Instagram-in’ e saj një ‘cover’ të këngës ‘Diamonds’, të cilën Shira e ka kënduar në mënyrë perfekte.
https://www.instagram.com/p/B0WU8TWHlH1/
Koçi i ka ftuar të gjithë ndjekësit që ta dëgjojnë zërin brilant të 17-vjeçares dhe ta shpërndajnë videon e saj sa më shumë, që Shira të fitojë vëmendjen që meriton. Shpesh artistët e rinj e kanë të vështirë të gjejnë një derë të hapur për të zhvilluar talentin e tyre, ndaj Greta është përgëzuar nga të gjithë për këtë nismë të saj. Pak kohë më parë këngëtarja shqiptare na prezantoi me një tjetër talent të ri, me një 15-vjeçare me një vokal të fuqishëm, që tërhoqi edhe vëmendjen e Aurela Gaçes. /revistawho.com
https://www.instagram.com/p/Byv9sitHQkC/
