Greta Koçi rikthehet në lojë, sjell bashkëpunim me Gold AG

Megjithëse tanimë produktet e saj muzikore janë disi më të rralla për shkak të angazhimit në politikë, Greta Koçi asnjëherë nuk është shkëputur krejtësisht nga kënga. Artistja shqiptare ka realizuar së fundmi këngën e saj më të re. As këtë herë Greta nuk vjen solo, por me një bashkëpunim jashtë familjes (kujtojmë se herën e fundit ajo publikoi një duet me të motrën Eni). Ashtu si shumë kolege të saj, edhe Greta ka zgjedhur që të këndojë me një reper, e në këtë rast me kosovarin Gold Ag. Këngëtarja ka ndryshuar edhe look, duke u shfaqur në formë shumë të mirë.