Një nga figurat më tërheqëse të politikës shqiptare, Grida Duma ka qenë pasditen e sotme e ftuar tek Rudina. Ajo rrëfeu plot detaje nga jeta e saj, duke treguar dhe se në adoleshencë ka qenë ndryshe nga të gjithë moshataret e saj.
Grida ka treguar se e ka shijuar maksimalisht lirinë e saj në mënyrën më të mirë të mundshme.
“Nuk kisha asnjë lidhje me gocat që rrinin me gocat.Nuk bëja asgjë nga ato që bëheshin dukshëm. Nuk e bëja atë xhiron e pasdites që bëhej gjithmonë me mamin tek bulevardi. Për fat të madh, kam një baba që ndryshe nga tradicionalja, pavarësisht se sa tradicional është, le të themi kështu e ngjizi fort tek unë lirinë individuale. Domethënë, mjetet që përdori ishin blerja e një Vespe, një motorr.
Dhe unë, gjatë kohës së gjimnazit kam shkuar ashtu në shkollë dhe bëja çudinë në një farë mënyre. Kisha edhe një qen stani të madh që më shoqëronte. Domethënë, ishin dy simbolika që dukej sikur ishte një gjë e vogël, por në atë kohë edhe një palë xhinse të ndryshonin sjelljen”, tregoi Duma gjatë intervistës së saj.
Grida u shfaq mjaft spontane gjatë bisedës, duke fituar si çdo herë tjetër vëmendjen e të gjithë teleshikuesve./revistawho.com
