Deputetja e njohur e Partisë Demokratike, Grida Duma ka qenë e ftuar në “Shiko kush luan” për një intervistë të shkurtër përballë Luana Vjollcës. Ajo ka folur ndër të tjera për familjen dhe marrëdhënien me djalin e saj, Darjel. Kur u pyet nëse janë shokë të mirë, Grida zbuloi se ai nuk e lejon këtë raport. “Jo nuk më lejon të jem shoqe”,-u shpreh ajo.
Më tej Luana e pyeti nëse është një nënë e rreptë dhe Grida nuk nguron të përgjigjet. “Unë jam e urtë deri në momentin përfundimtar. Kam pasur fatin të udhëtoj në perëndim dhe gjëja më e keqe që thonë për shqiptarët dhe ballkanasit është fakti që nuk janë të prerë. Unë them po ose jo, pra tregohem e prerë me të”. Deputetja e njohur ka folur edhe për përditshmërinë, duke treguar se mundohet shpesh të gatuajë, ndërsa nga ushqimet e preferuara ka hequr dorë, pasi përpiqet të mos konsumojë gjëra që nuk janë të shëndetshme./revistawho.com
