Grimierja e njohur shqiptare Lili Ismaili prej disa kohësh është zhvendosur në SHBA për të vazhduar karrierën e saj. Pavarësisht se larg vendit, një pjesë e madhe e vajzave shqiptare kurohen nga duart e Lilit. Së fundmi, ajo është takuar me këngëtaren Mira Konçi, e cila gjithashtu prej disa kohësh jeton në SHBA.
Lili ka zbuluar gjithashtu një sekret që askush nuk e dinte më herët. Në recitalin e parë të Mirës në Shqipëri, kur kjo e fundit ishte vetëm 17 vjeçe, grimiere ka qenë vetë Lili.
Mesa duket artistet që prej asaj dite e ruajnë miqësinë me njëra-tjetrën, edhe pse larg vendit të tyre. Këtë e ka bërë vetë të ditur, grimierja nëpërmjet një statusi të publikuar në rrjetet sociale.
“Ti ishe vetëm 17 vjeç kur bëre recitalin e parë ne Shqipërinë tonë. Isha e lumtur që punuam bashkë dhe po të grimoja. Dhe mbas kaq vitesh ne jemi 2 mike kaq larg vendit tonë por kemi se çfarë kujtojmë. Të dua fort Mira Konci”, shkruan Lili Ismaili. Nga foto e publikuar vërehet se Mira duket po aq e freskët sa dikur. Në portretin e saj nuk vërehet asnjë ndryshim, sikur vitet të mos kishin kaluar fare.
