Princi William e quajti 2024-ën “vitin më të vështirë” të jetës së tij. Duke folur me gazetarët në fund të vizitës në Afrikën e Jugut, Princi William foli për mënyrën sesi përjetoi momentin kur bashkëshortja, Kate Middleton dhe i ati, Mbreti Charles, u diagnostikuan me kancer.
“Ka qenë e tmerrshme. Ndoshta ka qenë viti më i vështirë në jetën time”, tha Princi.
“Nga pikëpamja personale familjare, ka qenë brutale”, theksoi ai.
Ai u shpreh jashtëzakonisht krenar për Kate dhe Mbretin që i trajtuan betejat e tyre shëndetësore me kaq dinjitet dhe guxim.
“Unë jam shumë krenar për gruan time, jam krenar për babanë tim, për mënyrën si i trajtuan gjërat”.
