Gruaja e Gigi D’Alessios, Anna Tatangelo dhe dekolteja e saj, është ndër temat më të diskutuara këto ditë në Itali. Të shumtë kanë qenë ata që e kanë kritikuar vendimin e këngëtares për të zmadhuar gjoksin. Vetë Anna duke folur për faqet e “Gente” ka shpjeguar pse e bëri këtë në një intervistë. “E bëra gjoksin që të ndihesha më e sigurtë në vetvete, më femërore. Përpara se ta bëja këtë ndërhyrje, Gigi më tha: ‘Për mua je shumë mirë kështu’. Mirëpo unë jam një profesioniste, pretendoj gjithnjë maksimumin dhe dëshiroj të ndihem mirë nën lëkurën time. Në fillim ai nuk e kuptonte se pse duhet të kaloja aq shumë kohë duke u këshilluar se si duhet të vishesha apo të grimohesha. Më pas e kuptoi. Tanimë, edhe nëse e ekzagjeroj pakëz ai nuk bën që të më peshojë kjo gjë. Më shumë më ngacmon me shaka. ‘Sa mirë ke bërë që nuk ke veshur asgjë, të lumtë’, më shkruan teksa jam në transmetim të drejtëpërdrejtë”, ka thënë ajo.
