Pas publikimit të videos ku Miri shfaqet pranë Selinit, diskutimet kanë shpërthyer në “Big Brother Fan Club”, ku vëmendja u përqendrua te raporti i tyre dhe letra e dërguar nga babai i Selinit mbrëmjen e kaluar.
Tema u trajtua nga disa këndvështrime, përfshirë edhe aspektin ligjor. E ftuar në studio, avokatja Nexhi Beqiri dha opinionin e saj mbi situatën personale të Mirit dhe ndikimin që mund të ketë kjo histori.
“Secili ka të drejtën që martesën ta refuzojë. Madje nuk ka nevojë as për arsye. Mund ta zgjidhin me vullnet të tyre. Ata janë bashkë, Miri dhe bashkëshortja. Miri ka interes të marrë një vajzë të re, inteligjente të shkolluar”, tha avokatja Nexhi Beqiri.
Ndërkohë, gjatë diskutimit në studio, Françeska zbuloi edhe një detaj që nuk kishte kaluar pa u vënë re në rrjete sociale. Sipas saj, bashkëshortja e Mirit ka reaguar drejtpërdrejt në një nga videot ku ai shfaqet me Selin.
“Miri më i miri”, u shpreh Françeska se ishte komenti.
Ky reagim ka ngjallur edhe më shumë pikëpyetje dhe ka shtuar kuriozitetin e publikut për atë që po ndodh realisht jashtë kamerave, ndërsa historia Miri–Selin vazhdon të mbetet një nga temat më të përfolura të momentit.
