Historia e dashurisë që mbylli puntatën e mbrëmjes së sotmë të programit “Dua të të bëj të lumtur” ishte ajo e Albanit dhe Marinelës. Albani ishte shpërngulur në Itali që në moshën 17-vjeçare dhe pas disa vitesh ishte martuar me një italiane. Në jetë kishin ardhur dy fëmijë, por midis çiftit kishin lindur debate dhe zënka të cilat i kishin çuar drejt divorcit. Një i afërm i Albanit e kishte njohur me Marinelën e cila ishte gjithashtu e divorcuar. Sipas Albanit në momentin që ata ishin takuar kishin rënë në dashuri me shikim të parë.
Albani kishte menduar që ata duhet të hidhnin një hap tjetër në lidhjen e tyre dhe për këtë arsye ai kishte kërkuar ndihmën e programit “Dua të të bëj të lumtur” për t’i propozuar Marinelës për martesë. Përpara se t’i propozonte programi kishte menduar që t’i bëntë asaj një lojë duke e bërë që të mendonte se Albani e kishte ftuar për t’i shprehur dashurinë.
Moderatorja Arbana Osmani e shoqëroi Marinelën në prapaskenë ndërkohë që studioja po përgatitej për propozimin e shumëpritur. “Ti hyre në jetën timë në një kohë të vështirë për mua. Je shumë e rëndësishmë për mua dhe të falenderoj që je bërë pjesë e pandashme e jetës sime. Prandaj nëse je dakort dua që të martohesh me mua!”
Marinela i tha po propozimit të Albanit dhe u shpreh se ishte një surprizë e veçantë dhe se nuk e priste kurrë nga ai./revistawho.com
