Një burrë i cili po vuante nga një infeksion i trurit ka thënë se nuk ndjehet i veçantë edhe pse për të është kujdesur Nënë Tereza. Marcilio Haddad Andrino ka thënë se Nënë Tereza, e cila vdiq në vitin 1997, është përkujdesur për të gjithë dhe nuk e kishte përzgjedhur atë. Duke folur jashtë Vatikanit, braziliani ka thënë se shërimi i tij është vetëm një shembull i mëshirës dhe dashurisë së Zotit.
“Zoti i mëshirshëm kujdeset për të gjithë ne, pa dallim”- ka thënë Andrino.
Papa Françesku në muajin dhjetor të vitit të kaluar, kishte thënë se shërimi i Andrinos ishte një mrekulli, pasi doktorët nuk kanë mundur ta shpjegonin shërbimin e tij, transmeton Koha.net.
Edhe pse Andrino nuk është i mendimit se Nënë Tereza e ka shëruar atë me përkujdesjen e saj, gruaja e brazilianit ka tjetër mendim për shërimin e tij.
“Kur doktori tha se nuk mund të realizonte operacionin dhe se mjekësia nuk hynte në punë më për shërimin e tij, kështu që unë fillova të lutesha. U luta shumë për të”- ka thënë Fernanda Nascimento Rocha.
“E pyeta Nënën [Terezë] që ta shëronte Marcillion nëse kjo është dëshira e Zotit. Nëse jo, atëherë le ta merr me vete te shtëpia e tij në qiell”, ka shtuar gruaja, e cila tregoi se brenda gjashtë muajve burri i saj u shërua dhe filloi punës./opinion.al
