Gruaja sikletos gazetarin në pikë të mëngjesit: Të morrsha të ligat, të ka bërë mamaja…

Programi i mëngjesit në “News 24” ka prej shumë vitesh dëgjuesit e tij besnikë, të cilët përmes telefonatave shprehin por edhe dëgjojnë shqetësimet e njëri-tjetrit. “Koha për t’u zgjuar” drejtohet nga z. Bashkim Hoxha nga e hëna në të premte, ndërsa të shtunave vendin e tij e merr spikeri i lajmeve Bledian Koka. Ndonëse i ri në këtë “post” duket se edhe Bledi ka bërë jo pak fansa. Njëra prej tyre i shprehu “live” shumë dashuri duke e vënë në siklet spikerin. “Të morrsha të ligat sa i mirë që je! Të ka bërë mamaja për qejfin e vet…” Aq në siklet e vuri Bledin zonja telefonuese, sa ai në vend ta falenderonte iu përgjigj thjesht me një “Po ju dëgjoj”.