Gugu: Si i dogja makinën të dashurit ministër para 9 muajsh 

Pas zhurmës mediatike të shkaktuar këto ditë nga deklarata e këngëtares Xhesika Ndoj, një tjetër kolege e saj, ka rrëfyer detaje nga lidhja me një ministër të qeverisë. Këngëtarja lezhiane Merita Haxhia, e cila njihet si Gugu, në një intervistë për revistën ‘Story’ ka treguar disa fakte shokuese rreth lidhjes së saj me ministrin. E pyetur se cila ka qenë aventura e saj më e madhe në një lidhje, ajo është përgjigjur se i ka djegur makinën të dashurit, një figurë politike shumë e njohur në vend. Ajo nuk tregon arsyet pse e ka bërë këtë gjë dhe emrin e tij, por thotë se është ministër aktual dhe i martuar. “Kam djegur makinën e të dashurit, për të cilin mund të them vetëm se është një nga ministrat aktualë. Emrin s’mund ta them, sepse është i martuar dhe s’dua ta shkatërroj karrierën që sapo kam nisur. Nuk jap dot shumë informacione për këtë histori, edhe pse shumë njerëz e dinë çfarë ndodhi para 9 muajsh”, – ka rrëfyer ajo.