Gwyneth Paltrow na zbuloi si po e pret menopauzën dhe dietën për Covidin e zgjatur

Aktorja e famshme e Hollivudit, Gwyneth Paltrow, 48 vjeç ka folur hapur sesi po e kalon periudhën e saj para menopauzës. Ajo ka pranuar se ndryshimet hormonale e kanë bërë të luftojë me një mal emocionesh si dhe aritminë.

“Unë jam plotësisht në perimenopauzë,” tha Paltrow duke ju përgjigjur fansave të saj në platformën e saj, “The goop”.

“Çdo gjë është komplet e çrregullt dhe plot surpriza gjatë gjithë kohës. Emocionet e mia janë gjithashtu  të zhbalancuara. Ndonjëherë fle në shtrat gjatë natës dhe zemra duket sikur do më dalë vendit”.

“Hormonet nuk janë fare shaka,” pohoi Paltrow.

Rrahjet e shpejta të zemrës janë një simptomë e perimenopauzës për të cilën disa nuk janë në dijeni, gjë që lidhet me rënien e niveleve të estrogjenit.

Aktorja tha se gjatë këtij tranzicioni ajo po këshillohet si me mjekun e saj ashtu edhe me ekspertin e mjekësisë alternative Will Cole, i cili po e ndihmon atë “me suplemente të caktuara”.

Paltrow gjithashtu diskutoi ndryshimet në dietën e saj dhe rutinën e stërvitjes, duke thënë se ende po vuan nga inflamacioni dhe simptomat e COVID-it të gjatë, pasi u infektua me virusin Sars-Cov2 vitin e kaluar.

“Unë nuk jam vegjetariane, megjithëse jam përpjekur që perimet të jenë në qendër të pjatës sime,” tha ajo. “Por për momentin, unë jam Paleo, kështu që kjo ka ndryshuar pak gjërat për mua kohët e fundit.”

Dieta Paleo përbëhet kryesisht nga mishi, peshku, perimet dhe frutat, ushqime që mund të merren duke gjuajtur dhe mbledhur ( si dikur paraardhësit tanë prandaj dhe quhet kështu).

Qumështi, drithërat dhe bishtajoret përjashtohen nga dieta, e cila ka qenë disi një ndryshim për Paltroë, e cila tha se ajo hante shumë thjerrëza, fasule, oriz dhe quinoa.

Aktorja e cila ndjek një stil jete “guru’ gjithashtu ka pohuar se i pëlqen të eci. “Burri im dhe unë ecim shpesh gjatë javës, tha ajo. Ndihem sikur trupi dhe shpirti komunikojnë më mirë kur eci, kështu që ecja mbetet aktiviteti im i preferuar”, thotë aktorja, e cila aktualisht është e martuar me Brad Falchuk nga viti 2018./revistawho.com