Gwyneth Paltrow thotë se mëmësia mund të ketë një ndikim negativ në fusha të tjera të jetës personale. Në një bisedë me Katy Perry në podcastin Goop, Paltrow u hap për mësimet e jetës që ajo ka mësuar nga prindërimi.
“Është e vështirë për një marrëdhënie”, tha ajo. “Kur kthehem prapa tani, kuptoj që të jesh prind me fëmijë të vegjël thjesht e prish marrëdhënien.”
Perry u përgjigj me pikëpamjen e saj për prindërimin dhe ndikimin e tij në një marrëdhënie, veçanërisht që të dy prindërit duhet të luajnë rolin e tyre në edukimin e fëmijëve.
“Unë mendoj se nëse të dy njerëzit në marrëdhënie janë të gatshëm të bëjnë punën, atëherë do të jetë shumë më e lehtë” shpjegoi Katy. “Por nëse një person mendon se nuk ka punë për të bërë, atëherë do të jetë vërtet sfiduese”. Këngëtarja ka një vajzë dyvjeçare me Orlando Bloom.
Përveç përshkrimit të përvojës së saj “të çmendur” kur lindi vajzën e saj Apple, Gwyneth Paltrow gjithashtu na dha një pasqyrë për mënyrat e tjera në të cilat prindërimi e ka ndryshuar atë. Ajo përshkroi se si hyrja e Apple në jetën e saj e ndryshoi atë përgjithmonë.
“Nuk u ndjeva më kurrë e vetmuar pasi kisha vajzën”, tha ajo. “Dhe unë isha ndjerë thellësisht e vetmuar në jetën time.”
