Një nga aktorët më të njohur të Hollywood-it, Charlie Sheen, ka habitur publikun me rrëfimin e tij më të fundit, duke zbuluar detaje të errëta nga jeta private që për vite me radhë i kishte mbajtur të fshehta. Ai pranoi se gjatë një periudhe të vështirë, kur përballej me varësinë nga droga dhe presionin publik, kishte pasur marrëdhënie me meshkuj – diçka që nuk kishte guxuar ta pranonte më parë.
Në autobiografinë dhe dokumentarin që sapo është publikuar, ai tregon se ishte detyruar t’i mbante këto çështje sekrete për shkak të shantazheve dhe frikës së ekspozimit.
“Kam ndjerë nevojën t’i mbaj këto çështje sekrete për shkak të shantazheve dhe presionit të madh,” – rrëfeu ai, duke shtuar se frika e vazhdueshme e kishte kthyer jetën e tij në një “burg pa dalje”.
Në një intervistë televizive, aktori zbuloi se disa persona zotëronin materiale komprometuese dhe e detyronin të paguante për të ruajtur privatësinë e tij. “Kjo shkaktoi një stres të madh dhe frikë të vazhdueshme,” – tha ai.
Ai foli edhe për momentin kur mësoi se ishte HIV pozitiv, një periudhë që e përshkroi si një goditje emocionale shumë të rëndë. Për të ruajtur sekretin, pranoi se kishte paguar 1.4 milion dollarë, ndërsa disa persona madje e kishin fotografuar gjatë gjumit për ta shantazhuar me medikamentet që përdorte.
Aktori tha se e ndjente këtë situatë po aq të rëndë sa periudhën kur fshihte marrëdhëniet me meshkuj, duke theksuar se të dyja kishin të njëjtin peshë në jetën e tij.
Sot, pas viteve të heshtjes, ai deklaron se është më i qetë dhe i pajtuar me të kaluarën.
“Tani jam çliruar nga frika dhe presioni që më ka ndjekur për vite të tëra,” – përfundoi ai, duke e cilësuar këtë rrëfim si një hap drejt lirisë së tij të vërtetë.
