Juliana Nura ka sjellë në vëmendje një ngjarje të pazakontë nga vera e vitit 2016, kur për herë të parë është gjendur përballë Cristiano Ronaldos. Në intervistën për “Andale”, ajo tha se gjithçka ka nisur gjatë një feste në Ibiza, ku sipas saj, futbollisti i njohur ka qenë vetëm pak metra larg tavolinës ku ajo po qëndronte.
“Ikëm në Ibiza, aty ishte një jaht që ishin disa jahte aty te porta që ishin pak si party dhe po vjen një jaht dhe ishin disa djem, njëri nga ta ishte Ronaldo dhe ishin afër tavolinës tonë”, tregoi Juliana, duke kujtuar momentin kur e kishte parë për herë të parë.
Sipas saj, futbollisti ka kërkuar kontaktin e saj përmes një shoku të tij, duke i ftuar madje në një tjetër festë ditën pasuese.
“Ne duke bërë shaka, duke kërcyer, po vjen njëri e po thotë: ‘Ronaldo po ta kërkon numrin’. Dhe nesër tha është një party këtu afër dhe jeni të ftuar. Kemi bërë muhabet, por ishte shumë djalë i mirë, shumë i thjeshtë”, ka vijuar ajo.
Modelja përmendi edhe një takim tjetër, këtë herë me Karim Benzemën në Dubai, por rrëfeu se atmosfera ka qenë krejt tjetër.
“Shihe, e kam takuar edhe Benzeman, por në Dubai ishte kështu mbreti i botës, po kush je, askush nuk të var”, u shpreh ajo.
Megjithatë, për Ronaldon ajo theksoi se mbeti e surprizuar pozitivisht:
“Ishte shumë i respektueshëm dhe për këtë kam respekt për të. Tani më ka bërë bllok në Instagram… po bëj shaka se është martuar tani. Në vitin 2016 ka qenë ajo. Unë Instagramin ia dhashë”, përfundoi ajo me humor
