Jessica Simpson, e njohur si aktore dhe këngëtare, ka zbuluar një sekret të veçantë për të ruajtur vokalin e saj në formë të shkëlqyer: një pije e quajtur “spermë gjarpri”.
Në një video të postuar në Instagram, Simpson tregoi se ky është një ritual që ndjek rregullisht, bazuar në këshillat e trajnerit të saj vokal. Videoja e shfaq këngëtaren duke konsumuar pijen bimore kineze, ndërsa asistentët e saj duken të habitur nga kjo zgjedhje.
Kur u pyet nëse pija ka një shije të ngjashme me çajin, ajo e krahasoi me mjaltin. “Nëse doni një vokal të mirë, duhet të pini spermë gjarpëri,” tha ajo.
Krahas këtij sekreti unik, Simpson ka ndarë më parë eksperiencën e saj me alkoolin dhe ndikimin e tij në karrierë. Në një intervistë të fundit, ajo rrëfeu se vendimi për të hequr dorë nga alkooli e ka ndryshuar rrënjësisht si artiste muzikore.
“Momenti kur fillova të pi shumë ishte kur fillova të shkruaj muzikë në vitin 2016 dhe po përfundoja nëpër situata ku filloi të më vinte keq për veten”, tregoi ajo.
Në nëntor të vitit 2024, Simpson festoi shtatë vjet pa alkool, duke pranuar se ky ndryshim ka ndikuar pozitivisht në jetën e saj. “Unë në fakt jam shumë më e qetë pa alkool dhe në fakt besoj shumë më tepër te vetja pa të,” u shpreh ajo.
