Miley Cyrus nuk ngurron të flasë hapur për jetën e saj personale – madje edhe kur bëhet fjalë për këshillat e nënës. Në një intervistë për “The Cut”, këngëtarja 32-vjeçare tregoi se shpesh nuk ka marrë udhëzimet më të sakta për dashurinë nga e ëma.
“Mami gjithmonë donte që unë të rrija me djalin e gabuar,” tha Miley me sinqeritet.
Ylli i hitit “Flowers”, e cila dikur ishte e martuar me aktorin Liam Hemsworth, shtoi se tani ka gjetur një marrëdhënie që e bën të ndihet e vlerësuar:
“Përfundova me një person që do të thotë shumë për mua, më trajton shumë mirë dhe më respekton.”
Që prej vitit 2021, Miley është në një lidhje me muzikantin Maxx Morando, të cilin e quan partnerin e saj ideal. Por rruga deri aty nuk ka qenë e lehtë:
“Më është dashur ta mësoj këtë me vështirësi sepse mamaja ime më mësoi në mënyrën e gabuar. Më është dashur ta gjej vetë personin e duhur.”
Sipas saj, kriteret e nënës ishin më shumë sipërfaqësore.
“Mami thoshte: ‘Ata duhet të jenë të gjatë’,” – tregoi Miley duke qeshur. Dhe më pas shtoi: “Burri im është shumë seksi. Por edhe burri im më respekton.”
Miley dhe Liam u njohën gjatë xhirimeve të The Last Song në 2009. Pas një historie me ndarje e ribashkime, ata u martuan në 2018, por martesa përfundoi pas vetëm pak muajsh.
Sot, duket se këngëtarja e ka lënë pas të kaluarën dhe ka gjetur ekuilibrin që kërkonte, pavarësisht se duhej të hiqte dorë nga “këshillat e mamit”.
