Modelja dhe prezantuesja e njohur Belen Rodriguez ka shkaktuar një valë reagimesh në rrjet pas një interviste plot batuta dhe humor në emisionin italian “Belve”, të moderuar nga Francesca Fagnani në Rai 2.
Në mes të bisedës, Belen e pranoi me ironi se nuk ka qenë gjithmonë e qetë në marrëdhënie. “Të dashurit e mi i kam rrahur të gjithë. De Martino është ai që ka marrë më shumë. Njërit i hodha një kaktus!”, u shpreh ajo mes të qeshurash.
Deklarata e saj u bë menjëherë virale dhe u shpërnda gjerësisht nga mediat italiane. Sipas ANSA, kjo ishte ndër frazat më të komentuara të intervistës, ndërsa La Repubblica vuri në dukje se Rodriguez “nuk i shmanget asnjë teme dhe di ta kthejë çdo rrëfim serioz në autoironi”.
Ndonëse fjalia e saj u tha në mënyrë plot humor, rrjetet sociale u ndanë mes atyre që e panë si një batutë të zgjuar dhe të tjerëve që e konsideruan si provokuese.
Por, një gjë është e sigurt — Belen di si të tërheqë vëmendjen edhe kur bën shaka për ish-të dashurit.
