Aktori i famshëm Richard Gere shkaktoi një moment të sikletshëm në emisionin e mëngjesit “Today Show” duke ngritur gishtin e mesit gjatë një transmetimi live. Gjatë intervistës me Savannah Guthrie për promovimin e serialit të tij të ri “The Agency,” aktori 75-vjeçar bëri gjestin pas shfaqjes së një klipi.
Guthrie reagoi e habitur: “Ti sapo bëre një gjest të turpshëm në këtë emision familjar të mëngjesit,” ndërsa përpiqej t’ia mbulonte dorën. Gere fillimisht tha se dora e tij e bëri vetë lëvizjen duke e lënë prezantuesen në shok por më vonë ai shpjegoi se gjatë shfaqjes së trailer-it të filmit të tij më të ri, emisioni i mëngjesit kishte vendosur të censuronte pjesën ku personazhi i tij kishte bërë këtë gjest. “Për këtë arsyeje unë vendosa ta bëj live,” u shpjegua Gere.
Pas incidentit, intervista vazhdoi, megjithëse momenti e la prezantuesen të pakënaqur.
Kujtojmë se aktori i njohur ka shitur shtëpinë e tij luksoze në Konektikat për 10.75 milionë dollarë dhe po përgatitet të transferohet në Spanjë, vendi i origjinës së gruas së tij, Alejandra Silva.
