Selena Gomez ka publikuar së fundmi këngën “Lose you to love me”, të cilën ajo pranoi vetë se në një farë mënyre ja ka dedikuar ish të dashurit, Justin Bieber. Pavarësisht se në rrjet qarkulluan fjalë se Hailey Baldwin e thumboi publikisht Selena-n për këngën, duket se kjo gjë nuk është e vërtetë, madje modelja nuk mban asnjë lloj inati ndaj këngëtares. Mikesha e përbashkët e Selena-s dhe Hailey-t, Raquelle Stevens, publikoi në ‘Instagram’ një foto në të cilën shfaqej përkrah Gomez dhe dy shoqeve të tjera të tyre. Raquelle tregoi se ato kishin dalë për të festuar për këngët e reja të Selena-s dhe fotografia u pëlqye edhe nga Hailey Baldwin.
https://www.instagram.com/p/B4A4KoOFMCN/?utm_source=ig_embed&ig_mid=W3sfPwABAAE1_jIx3BwGUang_mSP
Askush nuk e priti një veprim të tillë nga modelja, ndaj të gjithë kanë mbetur të habitur. Duket se vetë Selena dhe Hailey nuk kanë inate me njëra-tjetrën, ndaj ju kanë kërkuar edhe fansave që të mos krijojnë histori që nuk ekzistojnë apo të sillen keq me to.
