Në fillim të këtij viti Nicole Scherzinger u përball me një situatë aspak të këndshme, sepse hakerat publikuan një video intime të saj dhe ish të dashurit, Lewis Hamilton. Tashmë që kanë kaluar vetëm pak muaj nga kjo ngjarje , e njëjta gjë është përsëritur sërish dhe imazhet e publikuara janë aspak të këndshme. Një person ka arritur të vjedhë llogarinë e ‘Instagram-it’ të Nicole dhe ka postuar një fotomontazh me imazhin e saj. Fytyra e këngëtares ishte vendosur në trupin e një modeleje, që shfaqej gati e zhveshur.
Fotografia mori 600 pëlqime brenda 5 minutave dhe bashkangjitur saj shkruhej: “Ju dua të gjithëve”. Imazhi qëndroi në faqe për 20 minuta dhe më pas u zhduk. Këngëtarja e njohur nuk ka reaguar ende në lidhje me këtë çështje dhe mendohet se gjatë kohës që ndodhi gjithë kjo ajo duhet të ketë qenë në gjumë. Në fakt jo vetëm për Nicole, por edhe për shumë personazhe të njohur, është kthyer në një problem të madh vjedhja e llogarive personale, por ende nuk është marrë një masë parandaluese për sigurimin e plotë të tyre. /revistawho.com
