Teksa midis Shteteve të Bashkuara të Amerikës dhe Meksikës është “luftë e hapur”, pas vendimit të Trump për të ndërtuar një mur që ndan kufijtë, vëmendja e meksikanëve është kthyer tek Melania. Në numrin e këtij muaji të versionit meksikan të “Vanity Fair”, kopertina i dedikohet pikërisht Zonjës së Parë. Në të është botuar historia, deklarata e fotografi që kanë dalë prillin e kaluar në “GQ”, revistë e të njëjtit grup editorial. Në intervistë Melania deklaron se nuk merret me politikë e se është kundër operacioneve plastike. Revista ia kushton vëmendjen sidomos të shkuarës së turbullt të gruas sllovene të Presidenit të Amerikës. Sipas artikullit, babai i saj Viktor Knavs ka qenë i implikuar në hetime për tregëti të jashtëligjshme dhe evazion fiskal. Ngjarjet flasin për vitin 1976. “Ai nuk është hetuar kurrë. E kaluara jonë është e pastër dhe nuk kemi asgjë për të fshehur”, deklaronte Melania. Por sipas zërave, Knavs bënte pjesë në Partinë Komuniste sllovene. Në vitin 1964 ai u bë me një fëmijë, të cilin e mohoi, nga Marina Cigelnjak, përpara se të martohej me nënën e Melanias. “Vanity” shkruan se zotëria në fjalë, asokohe është përpjekur të imponojë në shoqëri abortin por mori veçse refuzim. Denisi, vëllai nga babai i Zonjës së Parë, sot është 50 vjeç. Intervista pritet të bëjë shumë zhurmë sidomos pas daljes së fotove të buzëqeshjes së sforcuar të Melania Trump në ditën e Inagurimit./ revistawho.com
