Bora Zemani është gjithmonë në vëmendje të mediave, por më së shumti për jetën personale. Kurse sot moderatorja është vënë në shënjestër për shkak të një videoje të publikuar në Tiktok ku shfaqet duke bërë makeup. Edhe pse Bora e ka bërë videon me qëllimin për t’i mësuar fansave truke rreth makeup-it, komentet kanë qenë të shumta për shkak se moderatorja ka përdorur filtra. “Ti nuk je kështu. Pse e ke bërë videon me filtra?”, i shkruajnë komentuesit. Kështu Bora ka vendosur të përgjigjet me një video-mesazh të publikuar në Instastory, ku është shfaqur pa filtra. E teksa Bora flet për përdorimin e filtrave e photoshopit, ndjekësit sërish e kanë gjetur diçka për të folur: Makeupin. Kështu që Bora “e shkretë” hall të shfaqet me makeup, hall me filtra apo me photoshop, sërish do komentohet.
Ndërkohë deklarata e saj në video ishte kjo: “Pa filtra. Jemi në rregull? Po lexoja disa mesazhe që thonin “Ti nuk je kështu. Pse e ke bërë videon me filtra?”. Ka disa ndjekës që i marrin shumë personale, iu duket sikur po i gënjen kur në fakt nuk është kështu. Shumica e njerëzve që postojnë në rrjete sociale përdorin edhe ndonjë filtër, edhe pak fotoshop, pak faceapp. Pse të mos përpiqemi ta tregojmë veten sa më bukur të jetë e mundur se fundja rrjetet sociale për këtë punë janë…nuk do tregojmë gjërat e kqija të jetës tonë në rrjete sociale. Gjithsesi, sidomos për personazhet publike unë them që nuk e kanë luksin e madh të gënjejnë kaq shumë se ju mund t’i shihni në vendet e tjera. Përshembull unë gjithë këtë vit kam qenë prezente më shumë në ekran se në Instagram, prandaj nuk e kam pasur luksin e madh të gënjej. Nuk ka asnjë gënjeshtër në këtë mes njerëz. Mbi të gjitha mos u kompleksoni, nxirreni veten dhe me filtra dhe pa filtra, si të ndiheni më mirë ju. Unë nuk e kam problem fare të dal dhe pa filtra, por dhe ato filtrat e bukura janë”.
