Kylie Jenner dhe Travis Scott mund të jenë fejuar dhe po mendojnë të martohen së shpejti. Lajmet se çifti po ndahet duket se janë shuar, teksa tani rrjeti po ndizet me
lajme dasme. Sipas fansave të dyshes, fustani që Kylie veshi në “Met Gala” nuk do të jetë i vetmi fustan nusërie për të këtë vit.
Nuk ka njoftim zyrtar për fejesë nga çifti por duke pasur parasysh se sa të mirë janë ata të dy në mbajtjen private të shtatzënive, lindjeve dhe emrave kur duan, as kjo nuk do të ishte çudi.
Fansat mendojnë se Kylie Jenner bëri një festë beqarie këtë javë. Të mërkurën, më 20 korrik, Kim Kardashian postoi një video në ‘storyn’ e saj në Instagram, të cilën Jenner e ndau edhe në TikTok. Motrat u panë për darkë dhe pije me dy miqtë më të mirë të Khloe Kardashian dhe Jenner, Stas Karanikolaou dhe Yris Palmer. Ajo që tërhoqi vëmendjen e fansave ishte se Jenner kishte veshur të gjitha të bardha, ndërsa të pranishmit e tjerë ishin me veshje tërësisht të zeza. Në një llogari të rreme në emër të Mason Disick, pretendohej se çifti po martohej. Por mamaja e tij, Kourtney Kardashian e përgënjeshtroi duke thënë se llogaria nuk ishte në emër të të birit.
