Harry nuk ka mbaruar së rrëfyeri: Kam vuajtur shumë dhe kam vendosur ta shkëpus zinxhirin për fëmijët e mi

Princ Harry ka folur hapur për problemet që ka hasur në Pallatin Mbretëror e që e çuan në vendimin e tij për t’u larguar. Në një intervistë me Armchair Expert, Harry tregoi se vendosi ta shkëpusë zinxhirin e vujatjeve për hir të fëmijëve të tij.
Megjithatë theksoi se nuk dëshiron që të bëjë fajtor askënd duke e vendosur gishtin te ndonjë pjesëtar i familjes.
Harry e krahasoi jetën e tij si filmi “The Truman show”, ku karakteri kryesor jeton jetën në një shoë televiziv. Ai tha se të lindësh në familjen mbretërore trashëgon çdo element pa pasur mundësi zgjedhjeje duke shtuar se media britanike “ndihet se të zotëron ty”.
“Nuk mendoj se duhet të vemë gishtin dhe të fajësojmë dikë, por kur bëhet fjalë për prindërimin, unë kam kaluar shumë vuajtje dhe dua ta shkëpusë zinxhirin që të mos kalojnë tek fëmijët e mi. Është një dhimbje gjenetike që kalon nga njëri tek tjetri. Kështu që mendova ta ndryshoj për fëmijët e mi”-tha Harry.
Princi tregoi se ishte në të njëzetat kur kuptoi se: “Nuk e dua këtë punë, nuk dua të jem këtu. Nuk dua ta bëj këtë. Shiko çfarë i ndodhi nënës sime, si mund të kem një familje kur e di që mund të ndodhë sërish? Kam parë shumë prapa perdeve, nuk dua të jem pjesë e kësaj”.