Ylli i “Harry Potter”, Daniel Radcliffe, është në pritje të fëmijës së parë me partneren prej shumë kohësh, Erin Darke.
Përfaqësuesi i aktorit e konfirmoi lajmin për SkyNews të shtunën. Të dy kanë qenë së bashku për një dekadë pasi thuhet se janë takuar në xhirimet e filmit “Kill Your Darlings” në vitin 2013.
Fotot e Erin me barkun e rrumbullakosur janë bërë virale në rrjetet sociale. Fansat reaguan me shpejtësi ndaj lajmit. “Oh Zot i madh! WOW! Jam e emocionuar dhe e lumtur për ta. Ata do të jenë prindër të mrekullueshëm,” shkroi dikush. “Imagjinoni sa i bukur do të jetë ky fëmijë,” komentoi një tjetër.
