Harry Potter rikthehet në kinema ndryshe nga herët e tjera

Për të gjithë fansat dhe admiruesit e “Harry Potter”, tani kemi një lajm shumë të mirë. Sipas Variety, Warner Bros. dhe Imax janë bërë bashkë për të sjellë, si kurrë më parë, të 8-ta seritë e “Harry Potter” në kinematë ndërkombëtare. Kjo bëhet për të festuar filmin e ardhshëm të këtij seriali, “Fantastic Beasts and Where to Find Them”, i cili do të publikohet më 18 nëntor të këtij viti. “Harry Potter është një filmat më të dashur për publikun dhe për Imax është jashtëzakonisht i rëndësishëm një event i tillë”, – shprehet Greg Foster, drejtues i Imax. Këtë herë do të mund të shihni në kinema edhe dy filmat që nuk janë transmetuar kurrë më parë në ekranet gjigantë, “Harry Potter dhe guri filozofik” e “Harry Potter dhe dhoma e sekreteve”. Nëse jeni fansa të çmendur pas magjistarit të famshëm, ky është shansi juaj!