Heidi Baci u rikthye për disa orë në shtëpinë e Big Brother VIP, këtë herë jo si banore, por si anëtare jurie në spektaklin e organizuar nga banorët “Miss & Mister Big Brother VIP”, së bashku me Egli Takon dhe Valbona Selimllarin.
E ftuar sot në Shqipëria Live, Heidi foli për përvojën e saj brenda shtëpisë dhe për mënyrën si i ka parë banorët nga jashtë, duke ndarë edhe mendimin për finalistët dhe fituesin e mundshëm.
Sipas saj, Brikena dukej më e tensionuar dhe e përqendruar për të kontrolluar çdo detaj që të dukej perfekte si “miss”, ndërsa Mateo përpiqej ta mbështeste dhe ta respektonte në çdo moment. Në kontrast, Gimbo dhe Selin u dukën më të qetë dhe po e shijonin situatën.
Heidi tha se mes pesë finalistëve sheh Selinin, Mirin, Rogertin, Mateon dhe Brikenën, por zbuloi edhe favoritët e saj për çmimin e madh.
“Do të doja që ta fitonte Stenaldo, kur e takova dje, më dha një ndjesi shumë të ëmbël. Edhe nëse fiton Selini do të isha e lumtur, sepse është lodhur shumë, por preferenca ime mbetet Stenaldo,” u shpreh ajo.
