Programi i mëngjesit “Wake Up” është gati të nisë një kapitull të ri, dhe këtë herë surpriza vjen nga një emër që nuk kalon kurrë pa vëmendje. Heidi Baci, figura që ka ndezur diskutime në media dhe rrjete sociale, është prezantuar zyrtarisht si moderatorja e re që do t’i qëndrojë krah Blendi Salajt në studion e Top Channel.
Konfirmimi erdhi përmes një fotografie të shpërndarë nga produksioni, ku Heidi shfaqet e buzëqeshur në panel, ndërsa Blendi, me duart lart, duket sikur shpall ardhjen e një epoke të re televizive.
Ky është rikthimi i parë i Heidit në një format të madh, pas angazhimeve të saj të fundit në projekte mediatike dhe online. Prania e saj pritet të sjellë energji të re, ritëm më modern dhe një mënyrë komunikimi më të afërt me publikun e ri duke kombinuar përvojën e Blendit me spontanitetin e saj karakteristik.
Heidi do të përfshihet çdo ditë në program, me intervista, tema sociale dhe këndvështrime të freskëta për rubrikat e mëngjesit.
Ndryshimi vjen në një moment tensioni për “Wake Up”, pas largimit të Neada Muces dhe Enxhi Nasufit, një situatë e shoqëruar nga debate të shumta. Edhe pse “asnjëra prej tyre nuk e ka pranuar konfliktin”, kjo ishte arsyeja që çoi në largimin e tyre nga emisioni.
