Nëse për festën e Halloween do të duhej të zgjidhej një mbretëreshë, titullin do e merrte me siguri supermodelia Heidi Klum. Ajo është tejet e aposionuar pas festës së frikshme, dhe çdo vit organizon në New York një ‘horror party’, ku shfaq kostume spektakolare. Kostumet e festës së Heidit punohen nga profesionistë të fushës. dhe pikërisht gjatë kësaj jave një grup ekspertësh po punojnë për realizmin e maskës së saj të fundit. Përgjatë këtyre viteve modelja është parë teksa transformohet në flutur, plakë, kufomë, gjarpër etj. ajo arriti kulmin kur një vit u fut në festë me një barrelë operimi e veshur vetëm me muskuj, si një trup njeri pa lëkurë.
