Shefi më i famshëm i kuzhinës në Shqipëri, Renato Mekolli, së shpejti do të fillojë sezonin e dytë të “Hell’s Kitchen”. Ai është shprehur se ky sezon do të jetë inovativ me shumë risi dhe se këtë herë do të jetë akoma dhe më i ashpër se sezonin e kaluar. Mesa duket përgatitjet për emisionin kanë nisur dhe Renato ka zbuluar me anë të një postimi në Instagram se studio është pothuajse gati. Këtë vit Renato Mekolli do të punojë me 2 kuzhiniere të reja në krah të cilat kanë qenë konkurrente dhe sezonin e kaluar, Ani Alku dhe Albana Dulellari. Kujtojmë se “Hell’s Kitchen” nën drejtimin e Renato Mekollit ka qenë një nga emisionet më të komentuar gjatë trasmetimit të tij.
