Sezoni i dytë televiziv i programit ‘Hell’s Kitchen 2’ ka filluar prej 2 javësh në ekranin e ‘Top Channel’. Teksa nesër pritet të transmentohet puntata e dytë, shefi i kuzhinës ka paralajmëruar me anë të një postimi në ‘Instagram’ se çfarë duhet të presin teleshikuesit.
“Nesër do më kthehet syri mbrapsht, do më dalin damarët e qafë. Hapet restoranti i ‘Hell’s Kitchen Albania’ nesër, ditë e madhe, por kush të lë të gëzohesh, do tua ha gurmazin fare”, shkruan Renaro krah fotos ku shfaqet mjaft i acaruar. Mesa duket sfida sa vjen dhe bëhet më e vështirë dhe shefi i kuzhinës nuk ka ndërmend të kursehet me të bërtitura apo thyerjen e pjatave. Nuk dihet se çfarë ka përgatitur Mekolli në puntatëm e radhës, por kjo pritet të zbulohet nesër në orën 21:00.
Kujtojmë se sezoni i parë i programit të gatimit tërhoqi vëmendjen maksimale të teleshikuesve, të cilët komentonin herë pas here edhe në rrjetet sociale, sjelljet e shefit në kuzhinë./revistawho.com
