Heq qaforen dhe “bekon” çiftet gay, Gabriel Garko: Nëse mendoni se jam homoseksual, është në rregull

“Tani jam mirë”, shprehet bashkëprezantuesi i Carlo Conti-t në Festivalin e Muzikës Italiane, tashmë që frika mori fund, pas shpërthimit të shtëpisë ku po qëndronte në rivierë. Në skenën e Ariston do të heqë edhe qaforen. Flasim për aktorin Gabriel Garko i cili siç raporton “Vanity Fair” ka “bekuar” edhe bashkimin e çifteve ‘gay’, çështje e rendit të ditës së fundmi në Itali. Garko thotë se mezi pret të ngjitet në skenë dhe se ngjarja e rëndë që i ndodhi ditët e fundit, shpërthimi e vdekja e të zonjës së shtëpisë që e mikpriti e kanë ndryshuar: Kam ndryshuar si njeri në një mënyrë të paevitueshme e nuk di akoma se si ndodhi e gjithë kjo. Kur e pyesin se si ndihet përpara debutimit në skenën e Ariston përkrah Carlo Conti-t, Virgginia Raffaele e Madalina Ghenea-s, Garko përgjigjet: Tani jam mirë. Ai jep edhe një sqarim lidhur me zërat për homoseksualitetin e tij duke thënë “Jam një seks simbol, dhe si i tillë jam i dëshiruar nga shumë njerëz. Nëse një mashkull për të më dëshiruar ka nevojë të mendojë se unë jam gay, është në rregull. E njëjta gjë vlen edhe për një zonjë 60 apo 80-vjeçare. Le të bëjmë spektakël e le t’i bëjmë njerëzit të ëndërrojnë. Kaq”.